ექიმი ჰაუსი

ექიმი ჰაუსი
ჟანრი	სამედიცინო დრამა
ავტორი	დევიდ შორი
მონაწილეობენ	ჰიუ ლორი ; ლიზა ედელშტაინი ; ომარ ეპსი ; რობერტ შონ ლეონარდი ; ჯენიფერ მორისონი ; ჯესი სპენსერი
მთავარი თემა	„Teardrop“, Massive Attack
ქვეყანა	აშშ
ენა	ინგლისური
სეზონი	8
ეპიზოდი	177 (ეპიზოდების სია)
წარმოება
პროდიუსერ(ებ)ი	ქეთი ჯეიკობსი; დეივიდ შორი; ბრაიან სინგერი
ხანგრძლივობა	42 წთ.
ეთერი
ორიგინალური არხი	Fox
ჩვენების ფორმატი	480i; 720p (HDTV)
ეთერში	16 ნოემბერი, 2004 — 21 მაისი, 2012
რესურსები ინტერნეტში
	საიტი

ექიმი ჰაუსი (House), ცნობილი აგრეთვე როგორც უბრალოდ ჰაუსი — ამერიკული სატელევიზიო სამედიცინო დრამა, რომლის დებიუტი 2004 წლის 16 ნოემბერს შედგა Fox Broadcasting Company-ს ეთერში. მისი შემქმნელები არიან დევიდ შორი და პოლ ატანაზიო. შოუს მთავარი გმირია ექიმი გრეგორი ჰაუსი (ჰიუ ლორი), სამედიცინო გენიოსი, რომელიც დიაგნოსტიკურ გუნდს უძღვება პრინსტონ-პლეინსბოროს სასწავლო ჰოსპიტალში, ნიუ-ჯერსიში. შოუს იდეა ატანაზიოს ეკუთვნის, მთავარი გმირი ჰაუსი კი შორის შექმნილია.

ჰაუსს ხშირად აქვს კამათი თავის უფროსთან, საავამდყოფოს ადმინისტრატორ ლიზა კადისთან და დიაგნოსტიკთა გუნდთან, რადგანაც ხშირად მისი ჰიპოტეზები პაციენტების ავადმყოფობასთან დაკავშირებით დამყარებულია ბევრისთვის გაუგებარ და საკამათო დაკვირვებებზე. ჰაუსის ერთადერთი მეგობარია ექიმი ჯეიმზ უილსონი, იმავე საავადმყოფოში ონკოლოგიური განყოფილების უფროსი. პირველი სამი სეზონის განმავლობაში ჰაუსის დიაგნოსტიკურ გუნდში შედიოდნენ: რობერტ ჩეისი, ელისონ ქემერონი და ერიკ ფორმანი. მესამე სეზონის ბოლოს ფორმანმა და ქემერონმა განცხადებები დაწერეს სამსახურიდან წასვლის შეასხებ, ჩეისი კი ჰაუსმა თვითონ გააგდო. მეოთხე სეზონის პირველ ეპიზოდებში ჰაუსმა კონკურსი მოაწყო დიაგნოსტიკური გუნდის ახალი წევრების შესარჩევად და საბოლოოდ კონკურსანტებიდან სამი - რემი „ცამეტი“ ჰედლი, კრის ტაუბი და ლოურენს კატნერი დატოვა. გუნდს მოგვიანებით ისევ შეუერთდა ფორმანი, ჩეისმა და ქემერონმა კი საავადმყოფოს სხვა განყოფილებეში განაგრძეს მუშაობა და შესაბამისად შოუდან არ გამქრალან.

სერიალი ფართოდ არის აღიარებული კრიტიკოსების და მაყურებლების მიერ. მეორედან მეოთხე სეზონების ჩათვლით ის ამერიკაში საუკეთესო სატელევიზიო შოუების ათეულში შედიოდა, 2008 წელს კი მსოფლიოში ყველაზე ნახვადი სერიალი იყო. მიღებული აქვს ოქროს გლობუსი და ემის ჯილდოები. სულ ეთერში გავიდა სერიალის 8 სეზონი. უკანასკნელი ეპიზოდის პრემიერა 2012 წლის 21 მაისს შედგა.

როლებში რედაქტირება

პერსონაჟი	მსახიობი	აღწერა	სეზონი
პერსონაჟი	მსახიობი	აღწერა	1	2	3	4	5	6	7	8
ექიმი გრეგორი ჰაუსი	ჰიუ ლორი	ინფექციურ დაავადებათა სპეციალისტი, ნეფროლოგი, დიაგნოსტიკური მედიცინის დეპარტამენტის უფროსი	მთავარი როლი
ექიმი ლიზა კადი	ლიზა ედელსტაინი	ენდოკრინოლოგი, მედიცინის დეკანი	მთავარი როლი
ექიმი ჯეიმზ უილსონი	რობერტ სან ლეონარდი	ონკოლოგიის დეპარტამენტის უფროსი	მთავარი როლი
ექიმი ერიკ ფორმანი	ომარ ეპსი	ნევროლოგი, დიაგნოსტიკური მედიცინის ფაკულტეტის დეკანი	მთავარი როლი
ექიმი რობერტ ჩეისი	ჯესი სპენსერი	ქირურგი, ინტენსიური, კარდიოლოგი, დიაგნოსტიკური მედიცინის დეპარტამენტის უფროსი (ფინალურ ეპიზოდებში)	მთავარი როლი
ექიმი ელისონ კამერონი	ჯენიფერ მორისონი	იმუნოლოგი, დიაგნოსტიკური მედიცინა	მთავარი როლი							მოწვეული
ექიმი კრის ტაუბი	პიტერ ჯეიკობსი	პლასტიკური ქირურგი, დიაგნოსტიკური მედიცინის				მთავარი როლი
ექიმი ლოურენს კატნერი	კალ პენი	სპორტული მედიცინის სპეციალისტი, დიაგნოსტიკური მედიცინა				მთავარი როლი				მოწვეული
ექიმი რემი „ცამეტი“ ჰადლი	ოლივია უალდი	სტაჟიორი, დიაგნოსტიკური მედიცინა				მთავარი როლი
ექიმი მარტა მასტერსი	ემბერ ტემბლენი	დოქტორი ორმაგი ხარისხით, გამოყენებითი მათემატიკისა და ხელოვნების ისტორიაში, სამედიცინო სტუდენტი							მთავარი როლი	მოწვეული
ექიმი ჯესიკა ადამსი	ოდეტ ანაბოლი	ციხის კლინიკის ექიმი, დიაგნოსტიკური მედიცინა								მთავარი როლი
ექიმი ჩი პარკი	შარლინ ი	ნევროლოგი, დიაგნოსტიკური მედიცინა								მთავარი როლი

რესურსები ინტერნეტში რედაქტირება

ეს სტატია ტელევიზიის შესახებ ჯერჯერობით ესკიზია. თქვენ შეგიძლიათ დაგვეხმაროთ მის შევსებაში.