დიდიმე ბრმა

დიდიმე ბრმა (ბერძ. Δίδυμος ο Τυφλός), იგივე დიდიმე ალექსანდრიელი (დ. დაახ. 312 – გ. 398 წლები) — ბერძენი ქრისტიანი მწერალი, ღვთისმეტყველი, ალექსანდრიული საღვთისმეტყველო სკოლის წარმომადგენელი. ორიგენეს სწავლების დამცველი, რომელსაც „მოციქულთა შემდეგ ეკლესიის უდიდეს მასწავლებელს“ უწოდებდა.

დიდიმე ალექსანდრიელის კოპტური ხატი

დიდიმე ხუთი წლის ასაკში დაბრმავდა, მაგრამ წერა-კითხვა ისწავლა ხის მოცულობითი ასოების საშუალებით და მიიღო განათლება.

დიდიმეს შრომები დაიკარგა ორიგენისტების დევნის პერიოდში, ჩვენამდე მხოლოდ ნაწყვეტებმა მოაღწიეს. 1941 წელს ქალაქ ტურში აღმოჩნდა პაპირუსი, რომელიც მოიცავდა დიდიმეს ლექციების ჩანაწერებს, კერძოდ, პასუხებს მსმენელთა კითხვებზე. ცნობილია მისი კომენტარები ბიბლიის ცალკეულ წიგნებზე – დაბადება, ეკლესიასტე, ფსალმუნნი, წიგნი იობისა.

დიდიმე ასევე ავტორია დოგმატური ხასიათის თხზულებებისა: სამი წიგნი წმინდა სამებაზე, ტრაქტატი სულიწმინდაზე და ტრაქტატი მანიქეისტთა წინააღმდეგ. დიდიმე ალექსანდრიელის თხზულებები შესულია Patrologia Graeca-ს 39-ე ტომში. ალექსანდრიის კოპტური ეკლესიის მიერ დიდიმე ბრმა წმინდანად არის შერაცხილი.

ლიტერატურა

• E. A. Livingstone, Oxford Dictionary of the Christian Church, Third edition revised, 2006, Oxford University Press, "Didymus the Blind".
• Bärbel Kramer: Didymus von Alexandrien. In: Theologische Realenzyklopädie 8 (1981), S. 741–746
• Bart D. Ehrman: Didymus the Blind and the Text of the Gospels, Atlanta, Scholars Press, 1986.

« The New Testament Canon of Didymus the Blind », Vigiliae Christianae, vol. 37, no 1 (mars 1983), p. 1-21 (ინგლისური)

• Richard A. Layton, Didymus the Blind and His Circle in Late-Antique Alexandria, Universoty of Illinois Press, 2004, (ISBN 978-0-252-02881-6)(ინგლისური)

რესურსები ინტერნეტში

• Didymus the Blind. სტატია Catholic Encyclopedia–ში
• Mercy Aiken. Didymus the Blind.
• Didymus the Blind. სტატია OrthodoxWiki–დან.
• Didymus der Blinde. In: Biographisch-Bibliographisches Kirchenlexikon (BBKL) (გერმანული)