დიდგორი (თრიალეთის ქედი)

დიდგორი — მთა საქართველოში, ქვემო ქართლის მხარის თეთრიწყაროს მუნიციპალიტეტისა და მცხეთა-მთიანეთის მხარის მცხეთის მუნიციპალიტეტის ადმინისტრაციულ საზღვარზე. მდებარეობს თრიალეთის ქედის აღმოსავლეთ ნაწილში, დაბა მანგლისის ჩრდილო-აღმოსავლეთით, მდინარე მტკვრის მარჯვენა შენაკადების — ვერესა და ნიჩბისისწყლის სათავეებში. სიმაღლე ზღვის დონიდან 1631 მ. აგებულია ზედა- და შუაეოცენის თიხებით, ქვიშაქვებით, ტუფ-ბრექჩიებითა და ტუფებით. კალთები დამრეცია, დანაწევრებულია ეროზიული ხეობებით. შემოსილია წიფლის ტყით. მწვერვალზე მეორეული სუბალპური მდელოა. ამ მიდამოებში 1121 წელს მოხდა დიდგორის ბრძოლა.

დიდგორი
მთა დიდგორი
კოორდინატები: 41°45′38″ ჩ. გ. 44°30′25″ ა. გ.
ქვეყანა	საქართველო
ტერიტორიული ერთეული	თეთრიწყაროს მუნიციპალიტეტი მცხეთის მუნიციპალიტეტი
სიმაღლე	1631 მ
ქედი	თრიალეთის ქედი
ამგებელი ქანები	თიხა, ქვიშაქვა, ტუფ-ბრექჩია და ტუფი
სურათები ვიკისაწყობში

ლიტერატურა

• ენციკლოპედია „საქართველო“, ტ. 2, თბ., 2012. — გვ. 406–407.