გოგი და მაგოგი
გოგი და მაგოგი (ებრ. גּוֹג וּמָגוֹג; არაბ. يَأْجُوج وَمَأْجُوج Yaʾǧūǧ wa-Maʾǧūǧ) — იუდეურ და ქრისტიანულ საღვთო წერილში მოხსენიებული ორი ხალხი. ეზეკიელის წინასწარმეტყველებით ისინი შორეულ მომავალში ჩრდილოეთიდან მოვლენ ებრაელთა შესამუსრავად[1]. აპოკალიფსისში კი მათი შემოსვლა მოსალოდნელია განკითხვის დღის წინ. ბიბლიაში მაგოგი ევრაზიის ჩრდილო-აღმოსავლეთ ნაწილში მცხოვრები ტომების სახელია. გოგი, როგორც მაგოგის ტომის ბელადის სახელი, პირველად ძველი აღთქმის უფრო გვიანდელ ტექსტებში ჩნდება. გოგი და მაგოგი ყურანში ჩნდება როგორც ორი ველური ტომი, რომლებიც „დედამიწის უკიდურეს ნაწილში“ ცხოვრობს[1].
სქოლიო რედაქტირება
- ↑ 1.0 1.1 ქართული საბჭოთა ენციკლოპედია, ტ. 3, თბ., 1978. — გვ. 197.