გიორგი კახიანი
გიორგი კახიანი (დ. 10 დეკემბერი, 1973, თბილისი) — ქართველი იურისტი, პოლიტიკოსი.
| გიორგი კახიანი | |
|---|---|
| დაბადების თარიღი | 10 დეკემბერი, 1973 |
| დაბადების ადგილი | თბილისი, საქართველოს სსრ, სსრკ |
| მოქალაქეობა |
 სსრკ → საქართველო |
| განათლება | თბილისის სახელმწიფო უნივერსიტეტი |
| ეროვნება | ქართველი |
| პარტია | ქართული ოცნება - დემოკრატიული საქართველო |
| საქმიანობა | საპარლამენტო უმრავლესობის წევრი, პოლიტიკოსი, იურისტი, პროფესორი |
1995 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი.
1999-2004 წლებში მუშაობდა საქართველოს უზენაესი სასამართლოში, მოსამართლის თანაშემწედ. 2004-2005 წლებში მუშაობდა თბილისის ენისა და კულტურის სახელმწიფო უნივერსიტეტში, იყო საერთაშორისო ურთიერთობების კათედრის წევრი, უფროსი მასწავლებელი; 2005-2007 წლებში მუშაობდა საქართველოს საკონსტიტუციო სასამართლოში, სამართლებრივი უზრუნველყოფის დეპარტამენტში, მთავარ მრჩეველად. 2007-2011 წლებში კი იყო თბილისის სახელმწიფო უნივერსიტეტის იურიდიული ფაკულტეტის ასისტენტ-პროფესორი; 2001 წლიდან კი ასოცირებული პროფესორი. 2013-2016 წლებში იყო საქართველოს მე-8 მოწვევის პარლამენტის წევრი (სამტრედიის მაჟორიტარი), საარჩევნო ბლოკი: „ბიძინა ივანიშვილი — ქართული ოცნება“. 2016-2020 წლებში იყო საქართველოს მე-9 მოწვევის პარლამენტის წევრი პარტიული სიით, საარჩევნო ბლოკი: „ქართული ოცნება — დემოკრატიული საქართველო“. 2013-2019 წლებში ეკავა საქართველოს პარლამენტის საპროცედურო საკითხთა და წესების კომიტეტის თავმჯდომარის თანამდებობა. 2019 წელს დაინიშნა საქართველოს პარლამენტის ვიცე-სპიკერად.
2020 წლიდან არის საქართველოს მე-10 მოწვევის პარლამენტის წევრი პარტიული სიით, საარჩევნო ბლოკი: „ქართული ოცნება — დემოკრატიული საქართველო“.[1]
რესურსები ინტერნეტში რედაქტირება
- გიორგი კახიანი — საქართველოს ბიოგრაფიული ლექსიკონი
- გიორგი კახიანი — საქართველოს პარლამენტის ოფიციალური საიტი (მოძველებული / არქივი / ახალი არქივი)
სქოლიო რედაქტირება
- ↑ ცენტრალურმა საარჩევნო კომისიამ საქართველოს პარლამენტის 2020 წლის 31 ოქტომბრის არჩევნები შეაჯამა. ცესკო (2020-12-03). დაარქივებულია ორიგინალიდან — 2020-12-15. ციტირების თარიღი: 18 დეკემბერი, 2020.