გელა ხუციშვილი
გელა ხუციშვილი (დ. 19 სექტემბერი, 1954, საქართველოს სსრ, სსრკ) — ქართველი პოლიტიკოსი. 1971 წელს დაამთავრა თბილისის მე-16 საშუალო სკოლა. სწავლობდა თბილისის სახელმწიფო პედაგოგიური ინსტიტუტის ისტორიის ფაკულტეტზე რომელიც დაამთავრა წითელ დიპლომზე. აგრეთვე სწავლობდა სსრკ-ის შინაგან საქმეთა სამინისტროს მოსკოვის მილიციის უმაღლესი სკოლაში, იურისტის კვალიფიკაციით. მოგვიანებით კი რუსეთის ფედერაციის მოსკოვის სამხედრო-სასაზღვრო აკადემიაში სამხედრო შენაერთების ოპერატიულ-ტაქტიკური მართვის კვალიფიკაციით, რომელიც დაამთავრა ოქროს მედალზე. იყო ამბროლაურის რაიონის პირველი მდივანი, გარდა ამისა სასაზღვრო ჯარების სარდლის მოადგილე; საზღვრის დაცვის სახელმწიფო დეპარტამენტის თავმჯდომარის მოადგილე; ივანე ჯავახიშვილის სახელმწფიო უნივერსიტეტის დოცენტი, კულტურის და ხელოვნების უნივერსიტეტის ადმინისტრაციის ხელმძღვანელი; სხვადასხვა სასწავლო უნივერსიტეტების პროფესორი; გარდაბნის მუნიციპალიტეტის გამგებელი და გარდაბნის მუნიციპალიტეტის საკრებულოს წევრი. ამჟამად არის თელავის სახელმწიფო პედაგოგიური უნივერსიტეტის მოწვეული დოქტორი. 2018 წელს იყო „საქართველოს ძალოვან ვეტერანთა და პატრიოტთა პოლიტიკური კავშირის“ საპრეზიდენტო კანდიდატი.
| გელა ხუციშვილი | |
|---|---|
| დაბადების თარიღი | 19 სექტემბერი, 1954 |
| მოქალაქეობა |
 სსრკ → საქართველო |
| განათლება | ქ.თბილისის სახელმწიფო პედაგოგიური ინსტიტუტის ისტორიის ფაკულტეტი (წითელ დიპლომზე) |
| ეროვნება | ქართველი |
| პარტია | საქართველოს ძალოვან ვეტერანთა და პატრიოტთა პოლიტიკური კავშირი |
| საქმიანობა | ისტორიის დოქტორი; თადარიგის პოლკოვნიკი; |
პირადი ცხოვრება რედაქტირება
ჰყავს მეუღლე, ორი შვილი და შვიდი შვილიშვილი.