ბზვანი

ბზვანი
თემი
	ბზვანი;
ქვეყანა	საქართველო
მხარე	იმერეთის მხარე
მუნიციპალიტეტი	ვანის მუნიციპალიტეტი
კოორდინატები	42°04′27″ ჩ. გ. 42°36′19″ ა. გ. / 42.074389° ჩ. გ. 42.605333° ა. გ.
ცენტრის სიმაღლე	200 მ
მოსახლეობა	1461 კაცი (2014)
ეროვნული შემადგენლობა	ქართველები
სასაათო სარტყელი	UTC+4
სატელეფონო კოდი	+995

ბზვანი — თემი საქართველოში, იმერეთის მხარის ვანის მუნიციპალიტეტში, აერთიანებს ორ სოფელს: ზედა ბზვანი და ქვედა ბზვანი (თემის ცენტრი). მდებარეობს ვანიდან 9 კილომეტრში, ზღვის დონიდან 200 მეტრზე. თემი მოიცავს ტერიტორიას მდინარე ძულუხურასა (სულორის მარჯვენა შენაკადი) და სათავადოს მთიდან ჩრდილოეთით რიონის ჭალებამდე და სასოფლო სამეურნეო სავარგულებისა და დაუსახლებელი ტერიტორიის ჩათვლით დაახლოებით 25 კვ. კმ-ს შეადგენს. 2014 წლის აღწერის მონაცემებით თემში ცხოვრობს 1461 ადამიანი.

ზედა ბზვანში აღმოჩენილია გვიან ბრინჯაოს ხანის ეპოქის განძი. დგას ფეოდალური ხანის ორი ციხესიმაგრე და XIX საუკუნის ეკლესია. ბზვანში 1985 წელს აღმოჩნდა კარსტული მღვიმე, რომლის სიგრძე 1,2 კმ-ია.

მოსახლეობა რედაქტირება

აღწერის წელი	ბზვანის თემი	ქვედა ბზვანი	ზედა ბზვანი
2002	2299	1529	770
2014	1461	1090	371

პიროვნებები რედაქტირება

ბზვანში დაიბადნენ: მსახიობი კარლო საკანდელიძე, ჟურნალისტი და პედაგოგი ლადო ბზვანელი (ნაცვლიშვილი). წარმოშობით ბზვანიდან იყვნენ: კომპოზიტორი გურამ ბზვანელი (ტყეშელაშვილი) და მხატვარ-კარიკატურისტი დონი (დავით ნაცვლიშვილი).

ლიტერატურა რედაქტირება

ქართული საბჭოთა ენციკლოპედია, ტ. 2, თბ., 1977. — გვ. 353.