ბაჰმანის სასულთნო

ბაჰმანის სასულთნო — პირველი მუსლიმური სასულთნო ინდოეთის სამხრეთში. დაარსდა 1347 წ. დასავლეთ დეკანის რაჯების მიერ, რომლებიც დელის სასულთნოს აუჯანყდნენ. 1518 —1527წ.წ. ბაჰმანის საულთნოს დაცემის შემდეგ, მის ადგილას აღმოცენდნენ ბიჯაპურის, ბერარის, აჰმადნაგარის, ბიდარის და ჰოლკონდის სასულთნოები.

სასულთნოს სათავეში იდგნენ ბაჰმანთა დინასტიის სულთნები, რომელთა სატახტო ქალაქს წარმოადგენდა ქალაქი გულბარგა. 1429 წელს დედაქალაქი გადავიდა ბიდარში. მდინარე კრიშნას სამხრეთით გადაჭიმული იყო ვიჯაიანაგარის იმპერია, რომელთანაც მთელი არსებობის მანძილზე სასულთნო აწარმოებდა მწვავე ბრძოლებს.

1470–ანი წლების დასწაყისში ბაჰმანიდების სასულთნოსა და მის მთავარ ქალაქებში — ბიდარსა და ჰოლკონდაში — სავაჭრო მიზნებით იმოგზაურა ტვერელმა ვაჭარმა ათანასე ნიკიტინმა. მისი მოგზაურობა აღწერილია თხზულებაში " მოგზაურობა სამ ზღვას მიღმა".

ბაჰმანიდების დინასტია რედაქტირება

ალა უდ–დინ ალი–შაჰი, კაიკაუსას ვაჟი, სულთანი დჰაპური 1341—1347
სიკანდარ უს–სანი ალა უდ–დინ აბუ–ლ–მუზაფარ ჰასან ბაჰმან–შაჰი, კაიკაუსას ვაჟი, დეკანის სულთანი 1347—1358
მუჰამად–შაჰი I, სიკანდარ უს–სანი ალა უდ–დინ აბუ–ლ–მუზაფარ ჰასან ბაჰმან–შაჰის ვაჟი, დეკანის სულთანი 1358—1375
ალა უდ–დინ მუჯაჰიდ–შაჰი, მუჰამად–შაჰი I–ის ვაჟი, დეკანის სულთანი 1375—1378
დაუდ–შაჰ I, სიკანდარ უს–სანი ალა უდ–დინ აბუ–ლ–მუზაფარ ჰასან ბაჰმან–შაჰის ვაჟის მაჰმუდ–ხანის ვაჟი, დეკანის სულთანი 1378
მუჰამად–შაჰი II, სიკანდარ უს–სანი ალა უდ–დინ აბუ–ლ–მუზაფარ ჰასან ბაჰმან–შაჰის ვაჟის მაჰმუდ–ხანის ვაჟი, დეკანის სულთანი 1378—1397
გიიას უდ–დინ ტაჰმატან–შაჰი, მუჰამად–შაჰი II–ის ვაჟი, დეკანის სულთანი 1397
შამს უდ–დინ დაუდ–შაჰ II, მუჰამად–შაჰი II–ის ვაჟი, დეკანის სულთანი 1397
თაჯ უდ–დინ ფირუზ–შაჰი, სიკანდარ უს–სანი ალა უდ–დინ აბუ–ლ–მუზაფარ ჰასან ბაჰმან–შაჰის ვაჟი, დეკანის სულთანი 1397—1422
შიჰაბ უდ–დინ აჰმად ვალი–შაჰი, სიკანდარ უს–სანი ალა უდ–დინ აბუ–ლ–მუზაფარ ჰასან ბაჰმან–შაჰის ვაჟის აჰმად–ხანის ვაჟი, დეკანის სულთანი 1422—1436
ალა უდ–დინ აჰმად–შაჰ III, შიჰაბ უდ–დინ აჰმად ვალი–შაჰის ვაჟი, დეკანის სულთანი 1436—1458
ალა უდ–დინ ჰუმაიონ სალიმ–შაჰი, ალა უდ–დინ აჰმად–შაჰ III–ის ვაჟი, დეკანის სულთანი 1458—1461
ნიზამ უდ–დინ აჰმად–შაჰ IV, ალა უდ–დინ ჰუმაიონ სალიმ–შაჰის ვაჟი, დეკანის სულთანი 1461—1463
შამს უდ–დინ მუჰამედ–შაჰ III, ალა უდ–დინ ჰუმაიონ სალიმ–შაჰის ვაჟი, დეკანის სულთანი 1463—1482
შიჰაბ უდ–დინ მაჰმუდ–შაჰი, შამს უდ–დინ მუჰამედ–შაჰ III, დეკანის სულთანი 1482—1518
აჰმად–შაჰ V, შიჰაბ უდ–დინ მაჰმუდ–შაჰის ვაჯი, დეკანის სულთანი 1518—1520
ალა უდ–დინ მუჰამედ–შაჰ IV, აჰმად–შაჰ V–ის ვაჟი, დეკანის სულთანი 1520—1523
ვალი–ალა–შაჰი, შიჰაბ უდ–დინ მაჰმუდ–შაჰის ვაჟი, დეკანის სულთანი 1523—1526
კალიმ–ალა–შაჰი, შიჰაბ უდ–დინ მაჰმუდ–შაჰის ვაჟი, დეკანის სულთანი 1526—1527

რესურსები ინტერნეტში რედაქტირება

დეკანის, ბაჰმანის ისტორია დაარქივებული 2016-12-20 საიტზე Wayback Machine.
კონგრესის ბიბლიოთეკა: ინდოეთი (ქვეყნის კვლევა)
ბაჰმანის მონეტები დაარქივებული 2008-09-07 საიტზე Wayback Machine.