ბადიანი
ბადიანი (ლათ. Illicium) — მარადმწვანე ხეები ილიციუმისებრთა ოჯახისა (ადრე მაგნოლიასებრთა ოჯახს აკუთვნებდნენ). აქვთ ტყავისებრი ფოთლები. სიმაღლე 10 მ-მდეა. ბადიანი ძირითადად ორი სახეობით არის წარმოდგენილი. იაპონური ბადიანი — ლათ. Illicium anisatum (ლათ. Illicium religiosum) ბუნებრივად იზრდება იაპონიასა (უძველესი დროიდანაა მოშენებული საკულტო მცენარედ) და ნაწილობრივ კორეაში. მისი სურნელოვანი ქერქი იხმარება ხალხურ მედიცინაში. ნაყოფი შეიცავს შხამს.
| ბადიანი | ||||||||||||
|---|---|---|---|---|---|---|---|---|---|---|---|---|
 | ||||||||||||
| მეცნიერული კლასიფიკაცია | ||||||||||||
| ||||||||||||
| ლათინური სახელი | ||||||||||||
| Illicium | ||||||||||||
| ||||||||||||
კულტივირებულია საქართველოს შავი ზღვის სანაპიროზე, ყინვაგამძლეა. ჩინური ბადიანი (ლათ. Illicium verum) ველურად იზრდება ინდოჩინეთის ნახევარკუნძულზე, სამხრეთ ჩინეთისა და სამხრეთ-აღმოსავლეთ აზიის სხვა რაიონებში. სურნელოვანი ნაყოფი შეიცავს ეთეროვან ზეთს, რომელსაც იყენებენ მედიცინასა და კვების მრეწველობაში. კულტივირებულია საქართველოს შავი ზღვის სანაპიროზე. ძლიერი ყინვა აზიანებს.
ლიტერატურა რედაქტირება
- სახოკია მ., ქართული საბჭოთა ენციკლოპედია, ტ. 2, თბ., 1977. — გვ. 136.