Audi A4

Audi A4
Audi A4
მიმოხილვა
მწარმოებელი	Audi
წარმოება	B5: 1994–2001; B6: 2000–2006; B7: 2005–2007; B8: 2008–2015,; B9: 2015-2023;
სხეული და შასი
კლასი	საშუალო კომპაქტური
ქრონოლოგია
წინამორბედი	Audi 80

აუდი A4 — Audi AG-ს საუშალო კლასის ავტომობილი. იგი პირველად 1995 წელს გამოჩნდა, როგორც Audi 80-ის მემკვიდრე. A4 კომპანია აუდის ყველაზე გაყიდვადი მოდელი გახდა.

ისტორია

აუგუსტ ჰორხი August Horch (აუდი-ს დამაარსებელი, დაიბადა : 12/10/1868.)

აუდი ერთ-ერთი ყველაზე ცნობილი კომპანიაა (გერმანული), რომელიც თითქმის 100 წელია აწარმოებს მსუბუქ ავტომობილებს. იგი Volksvagen-ის კონცერნში შემავალი ფირმაა. აუდის ისტორია საკმაოდ საინტერესოა, რომელიც დაკავშირებულია აუგუსტ ჰორხთან (აუდის დამაარსებელთან). ყველაფერი კი ასე დაიწყო.

აუგუსტმა 1909 წელს გამოუშვა 6 ცილინდრიანი ძრავი, რომელიც წარუმატებელი აღმოჩნდა და კომპანია გაკოტრების პირამდე მიიყვანა. ამაზე განაწყენებულმა კომპანიონებმა გადაწყვიტეს მისი ფირმიდან გაძევება რაც მოხდა კიდეც და მას მოუწია საკუთარი (Zwickau, დაარსებული 1899 წ) ფირმის დატოვება.

ამის შემდეგ აუგუსტ ჰორხმა დააარსა საავტომობილო ფირმა, რომელიც ატარებდა მის სახელს Horch, თუმც მისმა ყოფილმა კომპანიონებმა სასამართლოში შეიტანეს სარჩელი, რათა შეცვლილიყო ფირმის სახელწოდება (ვინაიდან უკვე არსებობდა მსგავსი სახელწოდების ფირმა). სასამართლოს გადაწყვეტილებით უნდა შეცვლილიყო ავტომობილების სახელწოდება და იგი აღარ უნდა გამოსულიყო Horch ის სახელწოდებით.

მიუხედავად ყველაფრისა ავგუსტ ჰორხმა მალევე დააარსა ახალი ფირმა, რომელიც horch-იდან (რომელიც გერმანულად მოსმენას ნიშნავს, გერმ. Hören, Horchen — მოსმენა. ლათინური თარგმანი — ლათ. audire) გამომდინარე იქნა შექმნილი (ლათინური ვარიანტი) აუდი.

1928 წელს მოხდა აუდის სხვა ფირმასთან DKW-სთან შეერთება (ვინაიდან იგი გაკოტრების პირას იყო მისული). ეს არ აღმოჩნდა საკმარისი და ეკონომიკური კრიზისის დროს იგი შეუერთდა ავტოგაერთიანებას Auto Union-ს აუდის ე. წ. მეორედ დაბადება დაკავშირებულია ფერდინანდ პიხი Ferdinand Piech-სთან (ფერდინანდ პორშეს შვილიშვილი) იგი 1988 წელს არჩეულ იქნა აუდის მმართველად, ხოლო 1993 წელს გახდა მთელი კონცერნის მმართველი (Volkswagen). იგი კონცერნს მართავდა 2002 წლამდე სწორედ პიხის დამსახურებაა აუდის კვადრო სისტემა და ალუმინის გამოყენება, რომელმაც დიდი წარმატება მოუტანა როგორც თავად პიხს ასევე აუდის ბრენდს სწორედ მან გადაწყვიტა რომ მომხდარიყო აუდის და ფოლკსვაგენის ფიქტიური გაყრა, რათა აუდი ავტობაზარზე წარმოდგენილიყო თავისი განსაკუთრებული მახასიათებლებით 1980 წელს ჟენევის ავტოსალონზე წარმოდგენილი აუდის კუპე (კვადრო 4x4-ზე) მოულოდნელი სენსაცია აღმოჩნდა საზოგადოებისათვის, ვინაიდან მანამდე სრულამძრავიანი სისტემა მხოლოდ სატვირთო ავტომობილებში გამოიყენებოდა.

კვადრო სისტემით აღჭურვილი აუდი 80 გახდა მიზეზი იმისა, რომ სხვა მოდელებშიც გამოყენებულიყო ეს უნიკალური სისტემა.

კვადრო სისტემით აღჭურვილ ავტომობილებზე დატვირთვა ნაწილდება როგორც წინა, ასევე უკანა ღერძებზე (პროცენტულობით 50/50-ზე). დაცურების შემთხვევაში დატვირთვა გადადის იმ თვალზე, რომელიც ყველაზე კარგად ეჭიდება გზას. ეს კი იძლევა ძრავის პოტენციალის სრულად გამოყენებას, ცუდ გზებში მაღალ გამავლობას და დიდ სიჩქარეზეც წონასწორობის შენარჩუნებას. აუდის მიერ დანერგილი კვადრო სისტემა დღემდე განსაკუთრებული და რევოლუციური მოვლენაა ავტოწარმოებასი. ამ სისტემამ მიიღო სახელწოდება quattro.